Bu xəstəlik anamı və bacımı məndən aldı” – Zülfiyyə

“Xəstəliyimin 9-cu ayında idim. Oğlum gəldi oturdu yanımda, mədəmi sığalladı. Dedi ki, mən burada cəmi 9 ay qalımışam. Sən 9 aydan çox qalsan, səni öldürəcəm”.

Dergi.az-ın məlumatına görə, bu sözləri xərçəngdən əziyyət çəkən aparıcı Zülfiyyə Bayramova “ATV maqazin onlarla” verilişinə açıqlamasında deyib. O bildirib ki, anası və bacısı da xərçəngdən dünyasını dəyişib:

“İçimdə onların qisas hissi var idi. O xəstəlik anamı və bacımı apardı. Bacımı çox cavan itirdim. O həmin xəstəliklə mübarizə apara bilmədi. Ölümün gözünün içinə baxdı. Bəlkə də o qisas var idi içimdə. Eşidən kimi dedim ki, mən ondan qisas alacam. Əsas odur ki, bitdi, hər şey geridə qaldı. Hər gün yüzlərlə, minlərlə dua gəldi.

Bədxassəli şişə “yox” dedik. O müharibədə mənim orqanlarım iştirak etdi. Hamısı yaralanıb. Bütün orqanlarımda kimyaterapiyanın zədələri var”.