"Dedim, Kamran səhnəmdə bircə söz desin" - Röyanın arzusu

Xalq artisti Röya Ayxan konserti ilə bağlı arzularından birini dilə gətirib.

Dərgi.az xəbər verir ki, jurnalistlərin suallarına cavab verən sənətçi arzularından birinin aktyor Kamran Ağabalayevin konsertində səhnəyə çıxması olduğunu açıqlayıb:

“Kamranı həm aparıcı, həm aktyor kimi sevirəm. Bizə maşallah olsun ki, ölkəmizdə belə istedadlı adam var. Konsertə hazırlaşan zaman Kənan Bayramova dedim ki, Arzularımdan biri, səhnəmdə Kamranın danışmasıdır. Səhnəyə çıxıb sadəcə bir söz desin. Onun səsi mənə rahatlıq verir”.

Xalq artisti Röya Ayxanın konsertinin aparıcılığını edən Kamran Ağabalayev atdığı addımla tamaşaçıları təəccübləndirib. O, sənətçinin mahnılarının sözlərindən ibarət hazırlanan şeir deməsi ilə diqqət çəkib.