Ukraynalı müğənnilər Nastya Kamenskix və Potap (əsl adı Aleksey Potapenko) ABŞ-a köçüblər.
Dergi.az xəbər verir ki, “Shot” teleqram kanalının məlumatına görə, cütlük Mayamidə elit bir kompleksdə aylıq 500 min rubl kirayə ödəyərək yaşayır. Onların qonşusu 75 yaşlı amerikalı modelyer Tommi Hilfiqer olub. Məlumata əsasən, sənətçilərin mənzili 117 kvadratmetr sahəyə malikdir və Diplomat Parkway kompleksində yerləşir. İki yataq otağı, iki vanna otağı, çərçivəsiz duş kabinəsi, paltaryuyan və qurutma maşınları, qaraj, hovuz, spa zonası, sauna, fitnes zalı, tennis və basketbol meydançaları onların istifadəsindədir.
“Shot” bildirir ki, sentyabrın sonunda baş tutan köçdən sonra Potap Kamenskixin biznesini ABŞ-a daşımağa başlayıb. Şirkət 39 yaşlı müğənninin menecmenti və təbliğatı ilə məşğuldur. Yeni şirkət dil qalmaqalından sonra yaradılıb: cütlük rus dilində danışmağa davam etdikləri üçün ironik şəkildə üzr istəyib. Bundan sonra 45 yaşlı Potapın Ukraynanın əməkdar artisti adından məhrum edilməsi ilə bağlı petisiya ortaya çıxıb.
Xatırladaq ki, son illərdə Potap və Nastya Kamenskix iki ölkədə – İspaniya və ABŞ-da yaşayırdılar. May ayında ayrıldıqlarını elan etdilər (müğənnilər 2019-cu ildə evlənmişdilər), lakin qısa müddət sonra doqquz illik yaradıcılıq fasiləsindən sonra duetlərinin yenidən birləşəcəyini açıqladılar.
2022-ci ildə SVO başlayandan sonra Potap bütün Rusiya musiqi mükafatlarından və təltiflərindən imtina etdiyini açıqlayıb və Rusiyada konsert fəaliyyətinə son verdiyini bildirib. Tezliklə ona və Kamenskixə ölkəyə 50 il müddətinə giriş qadağan edilib. Rusiya hakimiyyətinin tənqidinə baxmayaraq, bəzi ukraynalı pərəstişkarlar cütlüyü xaricdə olduqları üçün “saxta vətənpərvərlər” adlandırırlar.
