Amerikalı aktyor Ben Afflek keçmiş həyat yoldaşı Cennifer Qarnerin onun valideynlik bacarıqlarını ‘zəif’ hiss etdirdiyini açıqlayıb.
Dergi.az xəbər verir ki, aktyor Sunday TODAY with Willie Geist verilişində müsahibə zamanı Qarnerə böyük hörmət bəslədiyini, lakin onun yanında özünü kifayət qədər yaxşı valideyn kimi görmədiyini bildirib. Afflek zarafatla qeyd edib ki, uşaqlarına analarının yanında özünü təxminən 75 faiz yaxşı hiss etdiyini deyir, lakin uşaqları bunu 40 faiz olaraq qiymətləndirirlər.
Ben Afflek və Cennifer Qarner 2005-2018-ci illərdə evli olublar. Ayrıldıqdan sonra dostluq münasibətlərini qoruyublar. Cennifer Lopezlə boşandıqdan sonra isə onların ünsiyyəti daha da artıb.
Afflekin Cennifer Lopezlə ikinci evliliyi də geniş müzakirə olunub. Cütlük 2022-ci ildə ailə qurub, lakin 2024-cü ildə Lopezin boşanma ərizəsi ilə bu evlilik sona çatıb.
