Benedict Cumberbatch, məşhur “Sherlock” serialında baş rolu ilə tanınan və sevilən bir aktyordur. Lakin bir çoxları onun Ukrayna ilə bağlı maraqlı bir ailə keçmişinə malik olduğunu bilmir. Məlum olub ki, aktyorun ulu babası Henri Arnold Cumberbatch, Ukraynanın Berdyansk şəhərində doğulub.
Dergi.az xəbər verir ki, bu az bilinən faktı Threads platformasında istifadəçilər xatırlayıblar. Bir istifadəçi, Benedict Cumberbatch-in və Berdyanskın əlaqəsinin minimal olduğunu, lakin heç vaxt sıfır olmadığını qeyd edib. Onun ulu babası Robert William Cumberbatch, Berdyanskda Britaniya İmperiyasının konsulu olub və Henri də burada doğulub.
Robert Cumberbatch, 1858-ci ildə kraliça Viktoriya tərəfindən Berdyanskda Britaniya konsulu təyin edilib. Onun oğlu Henri isə atasının izində gedərək diplomatik sahədə fəaliyyət göstərib.
Benedict Cumberbatch, Ukrayna ilə bağlılığını müxtəlif yollarla göstərib. 2022-ci ildə Hollywood Ulduzlar Xiyabanında çıxışı zamanı Ukraynaya dəstək çağırışları edib və ukraynalı qaçqınları evində qəbul etməyə hazır olduğunu bildirib. O, həmçinin, Ukrayna simvolikası ilə qırmızı xalçaya çıxıb və xeyriyyə tədbirlərində iştirak edib.
