Türkiyəli arabesk musiqi sənətçisi Ferdi Tayfurun doğum günü 15 noyabrda doğulub böyüdüyü məhəllədə unudulmayıb. 2 yanvar 2025-ci ildə vəfat edən Tayfurun uşaqlıq və gənclik illərini keçirdiyi Hürriyet məhəlləsində sakinlər sənətçini xatırlayaraq xatirələrini paylaşıb. Sənətçinin bir zamanlar işlədiyi kafedə isə onun üçün dua oxunub.
Dergi.az xəbər verir ki, Tayfuru tanıyan Kasım Eroğlu, “Onu uşaqlığından bəri tanıyıram. Məhəlləmizdə məşhur oldu. Ünlü olduqdan sonra bizimlə əlaqəsini kəsmədi. Tez-tez məhəlləsinə gəlirdi. Çeşme filminin qalası Hürriyet məhəlləsində oldu. Xüsusi günlərdə və bayramlarda tez-tez məhəlləyə gəlirdi. Maşını ilə gəlir və məhəlləyə yardımlar edərək həsrətini aradan qaldırırdı. Allah rəhmət eləsin. Yaxşı bir insan idi. Özünü gözəlliklə yad edirik. Sevgimiz davam edir. Məhəlləmizin deyil, Türkiyənin fəxr etdiyi birisidir. Onun mahnılarının yeri doldurulmaz. Öz sahəsində təkrarı olmayacaq bir sənətçi” deyib.
Ferdi Tayfur ilə eyni taxta binada qarşı-qarşıya otaqlarda yaşayan Zerrin Avcı, Tayfur ilə böyüdüklərini bildirərək, “Evimizin bağçasında böyük bir tut ağacı vardı. Altında oturub birlikdə səhər yeməyi edərdik. Sonra buradan köçdülər. Saz çalaraq bizə mahnılar oxuyardı. Biz də ona qoşulardıq. O zamanlar hələ bəstələr edirdik. Mən o zamanlar 14-15 yaşlarındaydım. Bacısı da vardı və bir-birimizi çox sevərdik. Çox yaxşı insanlar idi. Çox kasıb idilər, o zamanlar zənginlik deyə bir şey yox idi. Zəngin olduqdan sonra bir pikap dolusu qurbanlıq qoyun gətirib məhəllədə hər kəsə payladı” deyib.
Ferdi Tayfurun bir zamanlar çalışdığı qəhvəxana sahibi Mehmet Kartopal isə, Ferdi Tayfurun mahnılarında bəhs etdiyi kafenin burası olduğunu bildirib. “Kendisi burada böyüdü. Ferdi Tayfur az irəlidə otururdu. Allah rəhmət eləsin. Buraya gəlir burada otururdu. Rəhmətlik Müslüm Gürses də buraya gəlirdi. İkisi də bu kafedə yetişdilər. Atamın yanına gəlib gedirdilər. Hər bayramda məhəlləyə qoyun gətirib paylayırdı” ifadələrini işlədib.
