Rusiyalı supermodel İrina Şeyk Milan Moda Həftəsində üç fərqli nümayişdə iştirak edib.
Dergi.az xəbər verir ki, 40 yaşlı model Blumarine, Tod’s və The Attico brendlərinin podiumlarında yer alıb. Blumarine nümayişində İrina çox qatlı ətəkli, rüşalı və yarı şəffaf əlavəli qara paltarla çıxış edib. Tod’s nümayişində isə o, okra rəngli, trend yaxalıqlı və ağ kəmərli trenç geyinib. The Attico-nun yaz-yay mövsümü üçün keçirilən nümayişində Şeyk tünd göy rəngli ceket və böyük cibli ətək kombinasiyası ilə çıxış edib.
Əvvəllər İrina Şeyk Alberta Ferretti moda evinin nümayişini krujevalı kombinezon paltarla və “makiyajsız” bağlamışdı. Bundan əvvəl isə model Brunello Cucinelli-nin yeni kolleksiyasının təqdimatında qonaq qismində iştirak etmiş və androgynous obraz seçmişdi.
Xatırladaq ki, İrina Şeyk Nyu-Yorkda yaşayır və Hollivud aktyoru Bredli Kuperdən olan qızı Leya ilə birlikdədir. Cütlük dörd il birlikdə olub və 2019-cu ildə ayrılıb. Modelin əvvəllər futbolçu Kriştianu Ronaldu ilə beş illik münasibəti olub. 2024-cü ildə isə qısa müddət ərzində Gisele Bündchen-in keçmiş həyat yoldaşı Tom Bredi ilə münasibətdə olub. Hazırda İrinanın basketbol ulduzu və Kendall Jenner-in keçmiş sevgilisi Devin Booker ilə görüşdüyü iddia edilir.
