Türkiyənin Show TV kanalında yayımlanan “Kızılcık Şerbeti” serialında gözlənilən an baş verib və Nursema obrazı yenidən hekayəyə daxil olub. Ceren Karakoçun canlandırdığı bu obrazın qayıdışı izləyiciləri həyəcanlandırıb və serialın reytinqlərində diqqət çəkici artım müşahidə edilib.
Dergi.az xəbər verir ki, 6 noyabr Cümə günü yayımlanan bölüm üç kateqoriyada da ikinci sırada qərarlaşıb. Serial, iki kateqoriyada isə mövsümün ən yüksək reytinq nəticələrini əldə edib. Nursemanın qayıdışı serialın izləyici marağını yenidən artırıb.
Serialda öldüyü düşünülən Nursemanın ailəsinə qovuşması bölümün ən çox danışılan hadisələrindən biri olub. Ceren Karakoçun canlandırdığı obrazın hekayəyə dönməsi ilə izləyicilər ekran qarşısına kilidlənib.
6 noyabrda yayımlanan 145-ci bölüm Total qrupunda 6,80, AB qrupunda 6,88, ABC1 qrupunda isə 7,25 reytinq alıb. Beləliklə, “Kızılcık Şerbeti” üç kateqoriyada da gecənin ikincisi olub. Xüsusilə son həftələrdəki performansına baxıldığında bu yüksəliş diqqət çəkib.
Serialın uğuru yalnız sıralama ilə məhdudlaşmayıb. “Kızılcık Şerbeti”, 23 oktyabrda yayımlanan son yeni bölümü ilə müqayisədə Totalda 0,72, AB-də 1,10 və ABC1-də 0,98 xal artım əldə edib. Total və ABC1 kateqoriyalarında isə mövsümün ən yüksək reytinqlərinə çatıb.
