Türkiyəli aktrisa Meryem Uzerli Çırağan Sarayında Hürrem Sultan replikası çəkən iki gənc qızla gözlənilməz qarşılaşma yaşayıb.
Dergi.az xəbər verir ki, “Muhteşem Yüzyıl” serialında Hürrem Sultan obrazı ilə tanınan aktrisa, bu təsadüf nəticəsində yenidən gündəmə gəlib.
Çırağan Sarayında iki gənc qız, serialdan yadda qalan Hürrem Sultan replikasını istifadə edərək video çəkməyə başlayıb. Lakin çəkiliş zamanı Meryem Uzerlinin qarşılarına çıxması onları heyrətləndirib.
Gənc qızlar, Hürrem Sultan obrazını canlandıran aktrisanı həmin replikada görərkən nə edəcəklərini bilməyiblər. Bu təsadüf “Hürrem Sultan’ı canlandırarkən gerçək Hürrem’lə qarşılaşdılar” kimi şərhlərə səbəb olub.
Meryem Uzerli 2011-ci ildə yayımlanan “Muhteşem Yüzyıl”da Hürrem Sultan obrazı ilə Türkiyə və bir çox ölkədə tanınıb. Aradan illər keçməsinə baxmayaraq, aktrisanın bu obrazla hələ də anılması, təsadüfü daha da diqqətçəkən edib.
