Amerikalı müğənni Teylor Svift “New York Knicks” basketbol komandasının bəzi oyunçuları tərəfindən “ən saxta məşhur azarkeş” adlandırıldıqdan sonra komanda tərəfindən müdafiə edilib.
Dergi.az xəbər verir ki, NBA 2K canlı yayımı zamanı “Knicks” oyunçuları Tayler Kolek və Mayls MakBrayd komandanın ən az səmimi məşhur azarkeşi barədə sual verilib. Kolek, “Knicks” oyunlarında bəzi məşhurların sadəcə görünmək üçün gəldiyini bildirib və Svifti misal gətirib. MakBrayd isə onunla razılaşıb.
Svift bu ilin may və iyun aylarında NBA Şərq Konfransı finalının üçüncü oyununa və NBA finalının dördüncü oyununa qatılıb. Kolek, Sviftin başqa oyunlarda iştirak etdiyini görmədiyini qeyd edib.
“Knicks”in nümayəndəsi cümə günü mediaya açıqlama verərək, Sviftin uzun müddətdir komandanın azarkeşi olduğunu və onun dəstəyini yüksək qiymətləndirdiklərini bildirib.
Svift əvvəllər də “Madison Square Garden”da konsertlər verib və burada 2009-cu ildə “Fearless”, 2011-ci ildə isə “Speak Now” turlarını keçirib.
