Amerikalı TikTok gözəli Alix Earle kitab oxumadığına dair açıqlama verib. O, uşaqlıqdan bəri Dr. Seuss-un kitablarından başqa heç bir kitab oxumadığını bildirib.
Dergi.az xəbər verir ki, Earle bu barədə “Interview” jurnalının baş redaktoru Mel Ottenberg ilə İnstaqram videosunda danışıb. O, “Son oxuduğunuz kitab hansı olub?” sualına “Heç vaxt kitab oxumamışam, bəlkə Dr. Seuss” cavabını verib.
Earle-nin bu açıqlaması sosial mediada geniş müzakirələrə səbəb olub. Bəzi izləyicilər onun bu etirafını tənqid edərək, oxumağın vacibliyini vurğulayıblar.
Alix Earle 2023-cü ildə Mayami Universitetindən biznes idarəçiliyi üzrə məzun olub və təhsil aldığı müddətdə karyerasına başlayıb. O, universitetdə “Alix Earle Təqaüdü” adlı proqram da təsis edib.
O, həmçinin “Earle Meets World” adlı Netflix realiti şousunda iştirak edir və “Dancing With the Stars” yarışmasında mübarizə aparır.
