Məşhur aktyor Brad Pitt və sevgilisi, zərgərlik dizayneri Ines de Ramon ABŞ Açıq Çempionatının finalını tribunadan izləyiblər. Cütlüyün qarşılaşma zamanı bir-birinə öpüş verdiyi anlar kameralara düşüb.
Dərgi.az xəbər verir ki, 62 yaşlı aktyor və 33 yaşlı sevgilisi Nyu-Yorkda yerləşən USTA Billie Jean King Milli Tennis Mərkəzində keçirilən 2026-cı il ABŞ Açıq Çempionatının kişi finalında birgə görüntülənib.
Brad Pitt və Ines de Ramon amerikalı Ben Shelton ilə almaniyalı Alexander Zverev arasındakı final qarşılaşmasını tribunadan izləyiblər. Matç boyunca söhbət edən və gülən cütlüyün səmimi görüntüləri diqqət çəkib.
Onların bir-birinə öpüş verdiyi anlar da fotoqrafların obyektivinə tuş gəlib.
Bildirilir ki, Pitt və de Ramon bundan bir gün əvvəl ABŞ Açıq Çempionatının qadınlar finalını da birlikdə izləyiblər.
Brad Pitt final qarşılaşmasına tünd göy rəngli geyimdə qatılıb və görünüşünü arxaya çevrilmiş şapka ilə tamamlayıb. Ines de Ramon isə cins şalvar və çiçək naxışlı, dekolteli kofta geyinib.
Cütlüyün münasibətinin 2022-ci ilin noyabrında başladığı bildirilir. Onlar 2024-cü ilin sentyabrında Venesiya Film Festivalında ilk dəfə birlikdə qırmızı xalça üzərinə çıxıblar.
Həmin vaxtdan etibarən Brad Pitt və Ines de Ramon müxtəlif idman tədbirlərində və ictimai mərasimlərdə birlikdə görüntülənirlər.
