Amerikalı aktrisa Stepfanie Kramer 80-ci illərin məşhur “Hunter” serialında canlandırdığı Sgt. Dee Dee McCall rolu ilə tanınır.
Dergi.az xəbər verir ki, Kramer 40 ildən çoxdur ki, aktyorluq və müğənnilik karyerasını uğurla davam etdirir. 70 yaşında olmasına baxmayaraq, o, hələ də sənayedə fəal iştirak edir. Onun son işi 2024-cü ildə yayımlanacaq “Vitch” adlı televiziya filmindədir.
Karyerasına 1970-ci illərin sonunda başlayan Kramer, “Starsky & Hutch”, “Dynasty” kimi məşhur seriallarda qonaq rollar alıb. “Hunter” serialında isə 1984-1991-ci illərdə altı mövsüm ərzində 130 seriyada rol alıb.
Aktrisa musiqi sahəsində də fəaliyyət göstərib. 1999-cu ildə “One Dream” adlı debüt albomunu təqdim edib. İkinci albomu “The Great American Song Book” isə 2008-ci ildə işıq üzü görüb.
Kramer şəxsi həyatında da ana rolunu ön plana çəkib. Onun qızı Lily Richards aktrisa, yazıçı və rejissor kimi fəaliyyət göstərir.
