Amerikalı aktyor Conni Depp yeni filmi “Ebenezer” ilə Hollivuda geri dönüb. Filmin ilk reaksiyaları əsasən müsbətdir və Deppin performansı təriflənir.
Dergi.az xəbər verir ki, “Ebenezer” Çarlz Dikkensin məşhur “Milad nağılı” əsərinin yeni bir versiyasıdır. Filmin rejissoru Ti Vest, Depp isə Skruç rolunu canlandırır. Filmdə Rupert Qrint, Andrea Rizboro, Sem Klaflin və digər tanınmış aktyorlar da yer alıb.
Filmin tənqidçiləri arasında olan Fil Roberts, “Ebenezer”i Dikkensin klassik əsərinə cəsur bir yanaşma kimi qiymətləndirib. O, Deppin performansını maqnitik adlandırıb və filmin emosional təsirini vurğulayıb.
Bəzi tənqidçilər isə filmi orta səviyyəli hesab edərək, Deppin performansının əvvəlki işlərindən fərqlənmədiyini bildiriblər. Filmin noyabrın 13-də Paramount tərəfindən kinoteatrlarda nümayiş olunacağı bildirilir.
