Polşalı rejissor Qjeqoj Dembovskinin “What Belongs to Others” filmi Varşava Beynəlxalq Film Festivalının əsas mükafatını qazanıb.
Dergi.az xəbər verir ki, film ölü bir yad adamın sevgilisinin kimliyini qəbul edən Polşalı oğrunun hekayəsini izləyir. Mükafat “dəqiq və incə hekayə anlatımı, qeyri-adi performanslar və qüsurlu və əlçatmaz bir qadının mürəkkəb portretini yaratdığına görə” verilib.
Çinli rejissor Cai Çenjie “Suzhou Quartet” filmi ilə ən yaxşı rejissor mükafatına layiq görülüb. Film kiçik bir əriştə dükanında təsadüfən görüşən və uzun müddət itkin düşmüş tanışlar olan dörd nəfərin hekayəsini danışır.
Varşava festivalında Maciej Sobieszczańskinin “Through the Wall” filmindəki performansına görə Mariya Dembska xüsusi jüri mükafatı alıb. Film Stalin dövründə Polşada iki gənc siyasi məhbusun aşiq olmasını təsvir edir.
Festivalda “Competition 1–2” proqramında əsas mükafat Lorin Terezi’nin “Agia” filmində gedib. Film patriarxal ənənələrə qarşı çıxan gənc qadının hekayəsini danışır.
